Azərbaycanlı Avropa çempionu müalicə üçün Türkiyəyə aparıldı

27 Oktyabr, 2019 12:46 | İdman | Baxış sayı: 95

Böyrək çatışmazlığından əziyyət çəkir

Böyrək çatışmazlığından əziyyət çəkən karate üzrə Avropa çempionu Ayxan Mamayev müalicə üçün Türkiyəyə aparılıb.

İstiPress-in məlumatına görə, bu barədə idmançının özü sosial şəbəkə hesabında məlumat verib.

“Hər kəsə cavab yaza bilmirəm. Dəstəyiniz üçün, maraqlandığınız üçün çox sağ olun. Türkiyədəyəm. Düzələcəyəm İnşallah. Dua edin”, - idmançı İnstaqramda qeyd edib.

Xatırladaq ki, bir müddət əvvəl “Qafqazinfo”ya açıqlama verən Mamayev buna qədər belə problemlə üzləşmədiyini və böyrək köçürülməsinə ehtiyac olmayacağını demişdi.