Millimizin futbolçusunun anası koronavirusdan öldü

24 İyun, 2020 15:02 | İdman | Baxış sayı: 107
Amin Seydiyev
Amin Seydiyev

Azərbaycanın 21 yaşadək futbolçulardan ibarət milli komandasının üzvü Amin Seydiyevə ağır itki üz verib.

İstiPress-in məlumatına görə, 2019/2020 mövsümünü "Qəbələ" klubunda keçirmiş gənc müdafiəçinin anası Şəhla xanım koronavirusdan müalicə aldığı Sabirabad xəstəxanasında bu gün vəfat edib.

Oyunçunun özü isə ondan götürülən analizin nəticəsi neqativ çıxdığı üçün karantinə alınmayıb.

Seydiyev ailənin tək oğludur.

Qeyd edək ki, "Qəbələ" Futbol Akademiyasının yetirməsi olan Amin Seydiyev yeni mövsümdən "Sabah"da çıxış edəcək.

Allah rəhmət eləsin!