"Real Madrid" azərbaycanlı azarkeşlərin videosunu paylaşıb - VİDEO

22 Oktyabr, 2019 18:47 | İdman | Baxış sayı: 92

Fanatlar Çempionlar Liqası matçı üçün İstanbuldadırlar

İspaniyanın "Real Madrid" klubunun rəsmi "Facebook" səhifəsi azərbaycanlı azarkeşlərin videosunu paylaşıb. 

İstiPress-in məlumatına görə, paylaşımda Azərbaycan dilində "Salam dostlar!" yazısı öz əksini tapıb. 

Fanatlar Çempionlar Liqası matçı üçün Türkiyənin İstanbul şəhərində olduqlarını bildiriblər.

Madrid təmsilçisinin rəsmi səhifəsi həmçinin "Azərbaycandan olan azarkeşlərimizi sevirik" şərhini də yazıb.

Qeyd edək ki, "Real Madrid" bu gün "Qalatasaray" klubu ilə qarşılaşacaq. Matç Bakı vaxtı ilə saat 23:00-da başlayacaq.