Məhərrəmlik nə vaxt başlayır?

21 Avqust, 2018 12:03 | Həyat Tərzi | Baxış sayı: 41017
Aşura
Aşura

Dövlət komitəsinin sədri dini ayinlərlə bağlı problem olmayacağını düşünür

Bu il Azərbaycanda Məhərrəm ayı sentyabrın 11-dən başlayacaq. Aşura isə 10 gündən sonraya təsadüf edəcək. Bu barədə Dini Qurumlarla İş üzrə Dövlət Komitəsinin sədri Mübariz Qurbanlı deyib.

Onun sözlərinə görə, Məhərrəmlik ayında insanlar məscidlərdə dini ayinləri müasir dövrün tələblərinə uyğun icra edirlər. Komitə sədri bu il də bununla əlaqədar heç bir problem olmayacağını düşünür.

"Dini ayinlər məscidlərin imamları tərəfindən icra edilir. Həmin imamların həm namazı idarə etməsi, həm də xütbələr zamanı söylədiyi fikirlər İslami dəyərlərə söykənir. Məhərrəmlik ayındakı mərasimlərdə bəziləri xurafat elementlərini təkrarlamaq istəyir, bunlar isə yolverilməzdir".

M.Qurbanlı qeyd edib ki, Qafqaz Müsəlmanları İdarəsinin çağırışı ilə hər il qanvermə aksiyası keçirilir.