Azərbaycanda imsakla azan arasındakı vaxt niyə azaldı?

19 May, 2018 11:29 | Həyat Tərzi | Baxış sayı: 699
Namaz
Namaz

Ramazan təqvimində çaşdıran dəyişiklik

QMİ-nin Ramazan təqvimi qarışıqlığa səbəb oldu. Qurumdan İstiPress-ə verilən məlumata görə, Qazılar Şurası tərəfindən təsdiq olunmuş mübarək Ramazan ayının təqvimində imsak vaxtı əvvəllər olduğu kimi sübh azanından 15 dəqiqə deyil, 5 dəqiqə əvvəl göstərilib. Bununla əlaqədar, Qafqaz Müsəlmanları İdarəsinə də vətəndaşlardan çoxsaylı müraciətlər daxil olur.

"İmsak vaxtının sübh namazından 5 dəqiqə əvvəl təyin edilmə qərarı hər iki məzhəb üləmalarının fikirləri əsas tutularaq qəbul olunub. Oruc tutan qardaş və bacılarımızın nəzərinə çatdırırıq ki, imsak vaxtının sübh azanından bir qədər əvvəl olması oruc tutanların səhuru sübh azanından əvvəl bitirib namaza hazır olmaları üçündür. Builki Ramazan təqvimində belə bir dəyişiklik etmə qərarının başlıca məqsədi oruc tutanların rahatlığını daha yaxşı şəkildə təmin etməkdir.

İmsak vaxtı ilə sübh azan vaxtı arasındakı 5 dəqiqəlik müddətin son hədd olduğu bir daha önəmlə vurğulanır".

Xatırladaq ki, Ramazan ayı Azərbaycanda mayın 17-dən başlayıb. 

Ramazan təqvimi 2018
Ramazan təqvimi 2018