Leyla Əliyeva sağlamlıq imkanları məhdud uşaqlarla - FOTO

07 Aprel, 2017 04:42 | Həyat Tərzi | Baxış sayı: 79
Leyla Əliyeva sağlamlıq imkanları məhdud uşaqlarla
Leyla Əliyeva sağlamlıq imkanları məhdud uşaqlarla

Leyla Əliyeva uşaqların təhsili və asudə vaxtlarının təşkili ilə maraqlanıb

Heydər Əliyev Fondunun vitse-prezidenti Leyla Əliyeva sağlamlıq imkanları məhdud uşaqlar üçün 12 və 2 saylı xüsusi internat məktəblərində olub. İstiPress-in məlumatına görə, internat məktəblərində təlim-tərbiyə alan uşaqlarla görüşən Leyla Əliyeva tədris korpuslarındakı mövcud şəraitlə tanış olub, uşaqların təhsili və asudə vaxtlarının təşkili ilə maraqlanıb.

12 saylı internat məktəbinin yetirmələri hazırladıqları müxtəlif bədii proqram, şeir və rəqs nömrələri təqdim edib. Daha sonra 2 saylı internat məktəbinə gələn Heydər Əliyev Fondunun vitse-prezidenti Leyla Əliyeva ibtidai sinif və yuxarı sinif şagirdlərinin təhsil prosesi ilə maraqlanıb. İnternat evinin yetirmələri müxtəlif səhnəciklər, o cümlədən vətənpərvərlik mövzusunda kompozisiya və rəqs nömrələri ilə çıxış edib.

Leyla Əliyeva eyni zamanda 12 və 2 saylı internat məktəblərində uşaqların müxtəlif əl işləri ilə tanış olub.