Avropanın turistlər üçün ən ucuz şəhəri

02 Fevral, 2019 14:59 | Həyat Tərzi | Baxış sayı: 71
Krakov
Krakov

Krakov qənaətli turizm üçün ən əlverişli şəhərdir

Polşanın Krakov şəhəri Avropanın qənaətli turizm üçün ən əlverişli şəhərləri reytinqinə başçılıq edir. Bu barədə Britaniyanın “Which?” istehlakçılar assosiasiyasının məlumatında deyilir.

Assosiasiya sayt istifadəçiləri arasında keçirdiyi sorğunun nəticələrinə əsasən qənaətli səyahətlər üçün şəhərlərin reytinqini tərtib edib. Onlar Avropa şəhərlərini altı meyar - yaşayış şərtləri, mədəni abidələr, qida və içki, nəqliyyat, alış-veriş üçün imkanlar və ümumilikdə xərclər səviyyəsi üzrə qiymətləndirib.

Həmin siyahıda ilk yeri Krakov tutub. Reytinqin ikinci pilləsində İspaniyanın Valensiya şəhəri, üçüncü yerdə isə Budapeşt qərarlaşıb. İlk beşliyə, həmçinin İtaliyanın Bolonya və Almaniyanın Berlin şəhərləri daxil olub. Siyahıda növbəti yerləri İspaniyanın Sevilya və Barselona, Avstriyanın paytaxtı Vyana, Portuqaliyanın Funşal və Hollandiyanın Amsterdam şəhərləri tutub.

Sorğu iştirakçıları arasında Krakovu daha çox tarixlə maraqlanan insanlar bəyənib, Budapeştə isə ən çox ucuz təbii spa həvəskarları üstünlük verib.