Bakıda kişi masaj salonunda işləyən arvadını boğdu

30 Avqust, 2017 15:02 | Hadisə | Baxış sayı: 486
Boğmaq
Boğmaq

Çörək zavodunda yox, masaj salonunda işləyirmiş

Bakıda törədilən qətlin bəzi təfərrüatları məlum olub.

İstiPress bildirir ki, APA-nın əldə etdiyi məlumata görə, 1981-ci il təvəllüdlü Bəxtiyar Cəbrayıl oğlu Məmmədovun qısqanclıq zəminində həyat yoldaşı, 1991-ci il təvəllüdlü Zülfiyyə Zülfüqar qızı Mərifovanı boğaraq öldürməsi faktı ilə bağlı Nizami Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hadisəni törədən B.Məmmədov polisə gələrək könüllü təslim olub.

B.Məmmədov polisə verdiyi ilkin ifadəsində hadisə baş verən ünvanda həyat yoldaşı və 7 yaşlı oğlu ilə birlikdə kirayədə yaşadıqlarını bildirib.

Qətlə isə ərinin qadının mobil telefonunda masaj salonunda çəkilmiş fotolarını aşkar etməsi səbəb olub.

Onların arasında mübahisə yaranıb, nəticədə B.Məmmədov həyat yoldaşını boğaraq öldürüb.

İstintaq araşdırması zamanı müəyyən edilib ki, Z.Mərifova ərinə çörək sexində işlədiyini desə də, onun masaj salonunda işlədiyi üzə çıxıb.

B.Məmmədov isə həyat yoldaşının harada işləməsindən xəbərsiz olduğunu bildirib.

Hazırda faktla bağlı başlanmış cinayət işi üzrə zəruri-istintaq hərəkətləri davam etdirilir.

saat 16:01

Bakıda qətl törədilib. İstiPress-in APA-ya istinadla verdiyi məlumata görə, hadisə Nizami rayonunda baş verib. 

Nizami rayon Prokurorluğundan verilən məlumata görə, rayon sakini, 1981-ci il təvəllüdlü Bəxtiyar Cəbrayıloğlu Məmmədov qısqanclıq zəminində həyat yoldaşı, 1991-ci il təvəllüdlü Zülfiyyə Zülfüqar qızı Mərifovanı boğaraq öldürüb.

Faktla bağlı cinayət işi başlanıb, istintaq aparılır.