Polis məktəbdən uşaq oğurlamağa çalışdığı iddia edilən qadını tapdı FOTO

24 Yanvar, 2020 12:48 | Hadisə | Baxış sayı: 232
Uşaq oğurlamağa çalışmaqda ittiham edilən qadın
Uşaq oğurlamağa çalışmaqda ittiham edilən qadın

"Sosial şəbəklərdə yayılan məlumatlar əsassızdır, təsdiqini tapmayıb"

Bakıdfa adı məktəblərdə uşaq oğurlamaqda cəhddə hallandırılan qadını polis tapıb. BŞBPİ və Sabunçu Rayon Polis İdarəsi əməkdaşlarının birgə keçirdiyi təxirəsalınmaz müvafiq tədbirlər nəticəsində fotoşəkilləri yayılan qadın, 1965-ci ildə Xızı rayonunda anadan olan Reyhan Səfərova müəyyən olunaraq, polis idarəsinə gətirilib. 

Bu barədə Bakı şəhər Baş Polis İdarəsinin (BŞBPİ) Mətbuat Xidmətinin rəisi, polis mayoru Elşad Hacıyev bildirib.

O, bildirib ki, Sabunçu rayonunda yerləşən məktəblərin birində uşaq oğurluğu ilə bağlı sosial şəbəklərdə yayılan məlumatlar əsassızdır, təsdiqini tapmayıb. 

"Araşdırmalar nəticəsində məlum olub ki, qadın həmin ərazidə kirayədə yaşayır, əvvəllər məhkum olunmayıb, sakit həyat tərzi sürür, sağlamlıq imkanları məhduddur.

Diqqətə çatdırırıq ki, həmin məlumatlar tərəfimizdən qəti şəkildə təkzib olunur, polis orqanları ilə heç bir dəqiqləşdirmə aparmadan əsassız yazılıb, iddialar dezinformasiyadır, təxribat xarakteri daşıyır".