Azərbaycanlı gənc ABŞ-da dəm qazından zəhərlənərək öldü

23 Aprel, 2020 13:07 | Hadisə | Baxış sayı: 135

"Həmyerlimiz avtomobildə yuxuya gedərək dəm qazından zəhərlənib"

ABŞ-ın Florida ştatında yaşayan azərbaycanlı gənc Seymur Hüseynov dəm qazından zəhərlənərək dünyasını dəyişib. 

İstiPress-in məlumatına görə, bu barədə Florida-Azərbaycan Cəmiyyətinin rəhbəri Esmira Bayramova məlumat verib. 

O, Seymur Hüseynovun ölümünün Azərbaycan icmasına ağır itki olduğunu bildirib: "Həmyerlimiz avtomobildə yuxuya gedərək dəm qazından zəhərlənib. Hazırda mərhumun nəşinin Vətənə, ailəsinə göndərmək üçün “GoFundMe” yardım fondundan dəstək gözləyirik. 2016-cı ildə Floridada vəfat edən bir soydaşımızın cənazəsini Azərbaycana göndərmək üçün qurulan bu fonda soydaşlarımızın köməyi ilə mütəmadi olaraq xeyli pul toplanır. Yığılan maddi vəsaitlə həm cənazəni yola salacağıq, həm də mərhumun ailəsinə yardım edəcəyik”.