Azərbaycanda ailə faciəsi - ana və körpənin meyiti tapıldı

22 Fevral, 2020 13:43 | Hadisə | Baxış sayı: 326
Su quyusu
Su quyusu

Ananın meyiti su quyusunda, körpəninki isə evdə olub

Kürdəmir rayonunda 1977-ci il təvəllüdlü Leyla Cavanşir qızı Qəmbərova və onun yaş yarımlıq övladı Hilal Orxan oğlu Qəmbərov səhər saatlarında ölü tapılıb.

İstiPress-in ”report”a istinadla verdiyi məlumata görə, körpənin meyiti Şüşün kəndində evdə, ananın nəşi isə həyətdəki su quyusunda aşkarlanıb. 

Kürdəmir Rayon Polis Şöbəsinin və rayon prokurorluğunun əməkdaşları hadisə yerinə cəlb olunub. Hazırda hadisənin hansı səbəbdən baş verməsi araşdırılır.

Meyitlər müayinə üçün Səhiyyə Nazirliyinin Məhkəmə-Tibbi Ekspertiza və Pataloji Anatomiya Birliyinin Kürdəmir rayon şöbəsinə yerləşdirilib. 

Faktla bağlı Kürdəmir rayon prokurorluğunda araşdırma aparılır.