Balakəndə vəzifəli şəxslər qəzaya düşdü - yaralılar var

19 Oktyabr, 2018 15:13 | Hadisə | Baxış sayı: 101
Qəzaya düşmüş "Mercedes"
Qəzaya düşmüş "Mercedes"

"Mercedes" markalı avtomobillə hərəkətdə olan zaman idarəetməni itirib

Baləkən rayonunda yol-nəqliyyat hadisəsi baş verib. İstiPress-in məlumatına görə, qəza Yevlax-Zaqatala-Gürcüstan magistral yolunun 145-ci kilometirliyində qeydə alınıb.

Belə ki, Zaqatala rayonunun Bəhmətli kənd sakini, 1978-ci il təvəllüdlü Şamil Ramazan oğlu Xasməmmədov idarə etdiyi "Mercedes" markalı, 10-RE-496 dövlət qeydiyyat nişanlı avtomobillə hərəkətdə olan zaman idarəetməni itirib və avtomobil yolun kənarındakı ağaca çırpılıb.  

Hadisə zamanı sürücü Ş.Xasməmmədov və avtomobildə olan sərnişin Həsrət Şakir oğlu Musayev müxtəlif dərəcəli bədən xəsarətləri alıb. Hər iki yaralı Balakən Rayon Mərkəzi Xəstəxanasına yerləşdirilib. 

Xəstəxanada "Report"un yerli bürosuna bildirilib ki, H.Musayevin xəsarəti yüngül olduğundan ona həkimlər tərəfindən ilkin tibbi yardım göstərilib və evə buraxılıb. Avtomobilin sürcüsü Ş.Xasməmmədovun vəziyyəti isə orta-ağır olaraq qalır. 

Qeyd edək ki, Şamil Xasməmmədov Zaqatala rayonunun Bəhmətli kənd icra nümayəndəsi, Həsrət Musayev isə həmin kəndin bələdiyyə sədridir. 

Faktla bağlı araşdırma aparılır.