Bakı küçələrində 9 ayda 139 nəfər öldü

19 Oktyabr, 2017 16:50 | Hadisə | Baxış sayı: 57
Bakıda dəhşətli qəza
Bakıda dəhşətli qəza

Bu ilin 9 ayı ərzində Bakıda 450 yol-nəqliyyat hadisəsi baş verib

Bu ilin 9 ayı ərzində Bakıda baş vermiş 450 yol-nəqliyyat hadisəsində 139 nəfər ölüb, 392 nəfər xəsarət alıb.

Bu barədə Bakı şəhər Baş Polis İdarəsində bu gün keçirilən əməliyyat müşavirəsində bildirilib.

Qeyd olunub ki, 2016-cı ilin müvafiq dövrü ilə müqayisədə yol-nəqliyyat hadisələrinin sayı 8,2%, xəsarət alanların sayı isə 23,9% azalsa da, ölənlərin sayı 0,7% artıb.

Yol hərəkətinə nəzarət prosesində 14,4% çox və ya 648.897 (+81.911), o cümlədən sürət rejiminə əməl olunmaması ilə bağlı 396.286 (-54.037,  450.323), ötmə və manevr qaydalarının pozulması ilə əlaqədar 19.498 (+13.248, 6.250), nəqliyyat vasitəsinin sərxoş vəziyyətdə idarə olunması ilə bağlı 1.986 (-1.295, 3.281) inzibati xəta aşkar edilib.

Nəticədə həm ümumi qayda pozuntularının aşkarlanması (0,6), həm də kobud qayda pozuntularının aşkarlanması (0,3) artıb, habelə 70 (49) avtoxuliqan barəsində qanunauyğun tədbirlərin görülməsi təmin edilib.

Müşavirədə həmçinin qeyd olunub ki, bütövlükdə inzibati xətaların profilaktikası, onları törətmiş şəxslərin məsuliyyətə cəlb olunması sahəsində fəaliyyət gücləndirilib. Polis sahə rəisləri və inspektorları tərəfindən 48.795 (+1.072, 47.723) protokol tərtib olunub, əlaqələrində olan 966 inanılmış şəxsdən 6.612 məlumat alınıb, 933 (+268, 665) münaqişəli ailə profilaktiki uçota götürülüb.