Azərbaycan sərhəddində maşından elə şey çıxdı ki...

17 Avqust, 2019 14:35 | Hadisə | Baxış sayı: 233
Telefonlar
Telefonlar

Gömrükçülərə əməliyyat məlumatı daxil olub

Qanunsuz yolla Azərbaycana külli miqdarda telefon keçirilməsinin qarşısı alınıb. Gömrük Komitəsindən verilən məlumata görə, Qərb Ərazi Baş Gömrük İdarəsinin Əməliyyat və Təhqiqat İdarəsinə Azərbaycan vətəndaşının idarə etdiyi "Mercedes Benz Sprinter" markalı, 99 ES 982 dövlət nömrə nişanlı nəqliyyat vasitəsində ölkə ərazisinə gömrük qaydalarının pozulması yolu ilə gətirilən mobil telefonların olması barədə əməliyyat məlumatı daxil olub.

Məlumat əsasında həmin avtomobil Tovuz rayonundakı Avtovağzal ərazisində saxlanılıb və nəqliyyat vasitəsinə baxış keçirilib. Yoxlama zamanı nəqliyyat vasitəsinin yük yerindəki qutuda mobil telefonların olduğu müəyyən edilib. Qutuya ətraflı baxış keçirilməsi üçün avtomobil "Tovuz" gömrük postunun inzibati binasının həyətinə gətirilib.

Yoxlama zamanı qutuda 25 ədəd "Samsung Galaxy A20", 25 ədəd "Redmi Note 7", 10 ədəd "Redmi 7", 9 ədəd "Redmi 7A", 3 ədəd "Redmi Note 6 Pro", 6 ədəd "Mi 8 Lite", 4 ədəd "Mi A2 Lite", 8 ədəd "Mi Play" markalı, üzərində heç bir aksesuarı olmayan telefonlar, 35 ədəd mobil telefon qutusu, 15 ədəd USB, 15 ədəd qidalandırıcı başlıq və 10 ədəd qulaqcıq aşkarlanıb.