Polis Bakıda bu qadını axtarır

16 Aprel, 2018 14:44 | Hadisə | Baxış sayı: 190
Azərbaycan polisi
Azərbaycan polisi

Daxili İşlər Nazirliyi Səbail rayonunda itkin düşən qadınla bağlı məlumat yayıb.

İstiPress-ə DİN-dən verilən məlumata görə, Bakı şəhər sakini, 1973-cü il təvəllüdlü Səbinə Bünyatova aprelin 8-də Səbail rayonunda yaşadığı evdən çıxaraq bir daha geri qayıtmayıb.

Həmin qadının xarakterik əlamətləri belədir: Boyu 150 sm., arıq bədən quruluşludur, qısa sarı saçı var. Evdən çıxarkən əynində göy cins şalvar, qara gödəkçə və göy rəngli idman ayaqqabısı olub.

Şəkildə gördüyünüz qadını tanıyanlardan və barəsində məlumatı olanlardan DİN-in “102 Zəng Mərkəzi” Xidmətinə, həmçinin Səbail Rayon Polis İdarəsinə, 8-ci Polis Bölməsinə (012) 437-02-02, (012) 491-02-02, (050) 210-59-05 şəhər və mobil nömrələrinə zəng vuraraq məlumat vermələri xahiş olunur.

Səbinə Bünyatova
Səbinə Bünyatova