Rusiyada azərbaycanlı gənc faciəvi şəkildə həlak oldu

15 May, 2018 15:42 | Hadisə | Baxış sayı: 211
Təcili yardım - Rusiya
Təcili yardım - Rusiya

Rusiyanın Leninqrad vilayətinin Volxov şəhərində yerləşən Şampan şərabları zavodunda baş vermiş bədbəxt hadisə nəticəsində 24 yaşlı Azərbaycan vətəndaşı həlak olub.

İstiPress "syasnews.ru"ya istinadən bildirir ki, insident mayın 14-də saat 08 radələrində baş verib. Yükqaldıran maşını idarə edən azərbaycanlı iş vaxtı kranı arxaya verməklə yoxuşla endirməyə çalışıb.

Yükqaldıran maşın ağırlıq qüvvəsinin təsiri altında aşıb. Sürücü təhlükədən qorunmaq üçün özünü sükan arxasından atsa da, başı ağır texnikanın altında qalıb.

Təcili tibbi yardım briqadası hadisə yerinə gələnə qədər işçi keçinib.