Azərbaycanlıların da olduğu gəminin batmasının ilkin səbəbi

14 Oktyabr, 2018 14:42 | Hadisə | Baxış sayı: 96

Bu, gəminin yan tərəfə əyilməsi və nəticədə batmasına gətirib çıxarıb

Qara dəniz sularında Panama bayrağı altında üzən və metal qalıqları daşıyan teploxodun ilkin batma səbəbi məlum olub.

İstiPress RİA "Novosti"yə istinadən xəbər verir ki, bu barədə Rusiya Federal Dəniz və Çay Nəqliyyatı Agentliyinin ("Rosmorreçflot") mətbuat xidməti məlumat yayıb.

Agentlik mütəxəssislərinin fikrincə, "Fom" teploxodunun batmasına yüklərin yerinin ştatdankənar dəyişdirilməsi səbəb olub. Bu, gəminin yan tərəfə əyilməsi və nəticədə batmasına gətirib çıxarıb.

"Gəmi metal qırıntıları daşıdığından, qəzaya yüklərin yerinin ştatdankənar dəyişdirilməsi səbəb ola bilər", - deyə idarədən qeyd ediblər və bunun ətraf mühit üçün heç bir təhlükəsinin olmadığını bildiriblər.

Gəmi Azov limanından yola çıxıb və sahildən 50 mil məsafədə batıb. Teploxodun bütün heyət üzvləri - altı Azərbaycan və iki Türkiyə vətəndaşı xilas edilib.