"Qazel" yolu keçən yaşlı qadını vurub öldürdü

Xaçmazda piyada ölüb. Hadisə bu gün səhər saatlarında Xaçmaz şəhərinin mərkəzi Nəriman Nərimanov küçəsində qeydə alınıb.

İstiPress-in şimal bürosunun məlumatına görə, rayon sakini, 46 yaşlı Ruslan Məmmədov idarə etdiyi "Qazel"markalı yük avtomobili ilə yolu keçən 64 yaşlı Sonaxanım Zülfüqarovanı vurub.

Baş nahiyəsindən ağır xəsarət alan yaşlı qadın Xaçmaz rayon mərkəzi xəstəxanasına çatdırılsa da həkimlərin səyinə baxmayaraq keçinib.

Xaçmaz polis şöbəsində cinayət işi açılıb. Hadisənin piyadanın diqqətsizliyi və ya sürücünün məsuliyyətsizliyi ucbatından baş verməsi araşdırılır.