Azərbaycanda ildırım adam öldürdü

11 Sentyabr, 2019 09:15 | Hadisə | Baxış sayı: 106
İldırım
İldırım

28 yaşlı çobanın həyatını xilas etmək mümkün olmayıb

Neftçalada çobanı ildırım vurub. Hadisə rayonun Tatarməhlə kəndindəki obada baş verib.

Obada çoban işləyən 1991-ci il təvəllüdlü Gərayev Vaqif Azər oğlunu ildırım vurub. İlkin məlumata görə, çöldə qoyun otaran çobanlar 5 nəfər olublar. İldırım aralarına düşdüyündən zərbədən hamısı yerə yıxılıb. Digər dörd nəfər bir neçə dəqiqədən sonra ayağa qalxıb.

V.Gərayevin vəziyyəti ağır olduğundan o, Neftçala Rayon Mərkəzi Xəstəxanasına çatdırılıb və ilk tibbi yardım göstərildikdən sonra Reanimasiya şöbəsinə yerləşdirilib. Həkimlərin səyinə baxmayaraq V. Gərayev xəstəxanada keçinib.

V.Gərayev əslən Şamaxı rayonundandır.