Azərbaycanda qayınata və qayınana hamilə gəlini döydü - gülünc səbəb

09 Oktyabr, 2019 11:47 | Hadisə | Baxış sayı: 219
Döyülən qadın
Döyülən qadın

Davaya səbəb gəlinin cehiz kimi qoyun gətirməməsi olub

Daşkəsən rayonunda döyülmə faktı qeydə alınıb. Hadisə rayonun Əmirvar kəndində qeydə alınıb.

Belə ki, 2000-ci il təvəllüdlü Abdullayeva Ayşə Samir qızı gəlin getdiyi evdə qayınatası və qayınanası tərəfindən döyülüb. Bədəninin bir çox hissəsinin əzildiyi bildirilən hamilə gəlin dərhal yaxınları tərəfindən xəstəxanaya yerləşdirilib. Ona kəllə-beyin travması diaqnozu qoyulub. Xəstənin vəziyyətinin orta-ağır olduğu bildirilir. 

A.Abdullayevanın yaxınları onun gülüş doğuran səbəbdən döyüldüyünü deyiblər. Onların sözlərinə görə, A.Abdullayevanın gəlin gələndə qoyun gətirməməsi evdə mübahisəyə səbəb olub və sonradan davaya çevrilib. 

Hadisə ilə əlaqədar polisə məlumat verilib. Faktla bağlı Daşkəsən Rayon Polis Şöbəsində araşdırma aparılır./apa/