Bakıda silahlı qarşıdurma- Kriminal qruplaşmalar atışdı

09 Yanvar, 2017 10:39 | Hadisə | Baxış sayı: 268
Tapança (arxiv)
Tapança (arxiv)

Hadisə yerindən “Makarov” tipli tapançaya məxsus gilizlər aşkarlanıb

Bakıda silahlı insident olub. İstiPress-in "Report"a istinadən verdiyi məlumata görə, hadisə ötən gecə Bakının Nərimanov rayonu Ağa Nemətulla küçəsində yerləşən "Nənəmin Təndiri" kimi tanınan iaşə obyektinin yaxınlığında baş verib.

Belə ki, əraziyə toplaşan iki kriminal qruplaşmanın 15-20-yə yaxın üzvünün mübahisəsi zamanı odlu silahlardan istifadə olunub.

İlkin məlumata görə, hadisə zamanı xəsarət alan olmayıb. Hüquq-mühafizə orqanlarının əməkdaşları hadisə yerində araşdırma aparan zaman "Makarov" tipli tapançaya məxsus gilizlər aşkar ediblər. Hadisənin iştirakçılarının tutulması istiqamətində axtarışlar davam etdirilir.