Beynəlxalq Bankın qadın əməkdaşı mühafizəçi tərəfindən qətlə yetirilib

08 Sentyabr, 2019 10:23 | Hadisə | Baxış sayı: 242
Əli bıçaqlı qatil (Arxiv)
Əli bıçaqlı qatil (Arxiv)

Həyat yoldaşının illər öncə rəhmətə getdiyi bildirilir

Göygöl rayonunda qətl hadisəsi olub.

IstiPress-in məlumatına görə, rayonun Üçtəpə kəndində təqribən 30-35 olan Cəlili Günay Yusif qızı yaşadığı evdə boğazı kəsilərək öldürülüb.

Onun meyiti Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə aparılıb.

G.Cəlilli Beynəlxalq Bankın Gəncə şəhər filialının əməkdaşıdır. Qətli törədən Orxan adlı şəxs də həmin bankda mühafizəçi işləyir. Qadının iki övladı qalıb. Həyat yoldaşının illər öncə rəhmətə getdiyi bildirilir. Qadın övladları və bibisi ilə birgə yaşayırmış.

Hadisənin dəqiq baş vermə səbəbləri Göygöl Rayon Prokurorluğu tərəfindən araşdırılır.