84 nəfər yol "terror"unun qurbanı oldu

08 İyul, 2017 15:33 | Hadisə | Baxış sayı: 50

2017-ci ilin ilk altı ayının nəticələri açıqlanıb

2017-ci ilin 6 ayında Bakıda 297 yol-nəqliyyat hadisəsi baş verib ki, bu da ötən ilin müvafiq dövrü ilə 8 faiz (323) azdır.

İstiPress xəbər verir ki, bu barəd Bakı Şəhər Baş Polis İdarəsində keçirilən 2017-ci ilin birinci yarısının yekunlarına və qarşıda duran vəzifələrə həsr olunmuş geniş əməliyyat müşavirəsində bildirilib. Qeyd olunub ki, ilin ilk yarısında qeydə alınan yol-nəqliyyat hadisələrində 84 nəfər (ötən ilin müvafiq dövründə 73 nəfər) ölüb, 264 (ötən ilin müvafiq dövründə 342 nəfər) nəfər müxtəlif dərəcəli bədən xəsarətləri alıb. 2016-cı ilin müvafiq dövrü ilə müqayisədə yol-nəqliyyat hadisələrinin sayı 8,0%, xəsarət alanların sayı isə 22,8% azalsa da, həlak olanların sayı 15,1% artıb.