Bakıda ağac kəsən şirkətə rekord cəza - 50 min

06 Oktyabr, 2019 11:00 | Hadisə | Baxış sayı: 101
Ağac kəsən
Ağac kəsən

Ağaclar qəzalı yataqxana binasının söküntüsü zamanı kəsilib

Bu ilin avqustunda Ekologiya və Təbii Sərvətlər Nazirliyinin (ETSN) əməkdaşları tərəfindən Bakının Nərimanov rayonu V. Mayakovski küçəsi, "Montin bazarı"nın yaxınlığında ağacların kəsilməsi faktı aşkar edilib və qanunamüvafiq tədbir görülüb.

ETSN-nin mətbuat katibi İradə İbrahimova bildirib ki, icraçı şirkət RR CONSTRUVTİON MMC tərəfindən həmin ünvanda qəzalı vəziyyətdə olan yataqxana binasının söküntüsü zamanı bir neçə ağac kəsilib: "Faktla bağlı akt, protokol tərtib olunub, MMC hüquqi şəxs qismində 50 min manat məbləğində cərimə olunub".

Qeyd edək ki, dünən bir sıra mətbu orqanlarda Nərimanov rayonu, V. Mayakovski küçəsində ağacların kəsilməsi və tədbir görülməməsi barədə xəbər yayılıb.