Baş nazirin müavini Əli Həsənov nəvəsindən danışdı

06 Avqust, 2017 14:41 | Hadisə | Baxış sayı: 1754
Əli Həsənov
Əli Həsənov

"Hüquqi ölkədə məsuliyyət fərdidir"

Baş nazirin müavini, "Qaçqınkom” sədri Əli Həsənov son günlər medianın gündəminə çevrilmiş nəvəsinin iki nəfərin ölümü, iki nəfərin yaralanması ilə nəticələnən yol qəzasına münasibət bildirib.

İstiPress-in məlumatına görə, Əli Həsənov gununsesi.info-ya faciəyə səbəb olan qəza barəsində danışmaq istəmədiyini deyib: "Mən heç nə danışmaq istəmirəm. Mənim adımın mediada gündəmə gətirilməsinə gəlincə, hüquqi ölkədə məsuliyyət fərdidir. Çox istərdim ki, media nümayəndələri də bunu başa düşsün. Başqa deyəcəyim bir şey yoxdur”.

Xatırladaq ki, avqustun 3-də Heydər Əliyev prospektində iki nəfərin ölümü və iki nəfərin yaralanması ilə nəticələnən qəzada "Galendevagen” markalı avtomobilin sürücüsü müəyyən olunub. Məlum olub ki, sükan arxasında "Qaçqınkom” rəhbəri Əli Həsənovun nəvəsi Nail Allahverdiyev olub.

DİN həmin gəncin cinayət məsuliyyətinə cəlb olunacağını bəyan edib.