Turist 40 min dollarlıq üzük uddu - xəstəxanda çıxardırlar - FOTO

04 Oktyabr, 2018 19:57 | Hadisə | Baxış sayı: 117

Mağaza sahibi 11 saatdır gözləyir

Türkiyənin Muğla şəhərində 54 yaşlı İan Kamppel adlı irland turist müştəri kimi girdiyi qızıl dükanından 2,5 karat brilyant üzüyü oğurlayaraq udub.

İstiPress "Hürriyet"e istinadən bildirir ki, oğurluq hadisəsi müşahidə kameraları izləndikdən sonra üzə çıxıb. Xəstəxanada mədəsi və qalın bağırsağı rentgen edilən İanın udduğu üzüyün dəyəri 40 min dollardır.

Mağaza sahibi 11 saatdır brilyant üzüyün təbii yolla çıxması üçün xəstəxanada turistin başının üstündə nəzarət edir.

Həzm və ifraz prosesinin sürətlənməsi üçün Kamppelə müxtəlif dərmanlar verilib. Hər kəsi təəccübləndirən isə turistin olduqca rahat davranış sərgiləməsidir.