DGK vətəndaşın maşınında tapança və narkotik aşkarladı

04 Oktyabr, 2018 16:47 | Hadisə | Baxış sayı: 35
Dövlət Gömrük Komitəsi
Dövlət Gömrük Komitəsi

Gürcüstandan gələn "Ford Mondeo" markalı minik avtomobilinə baxış keçirilib

Azərbaycan gömrükçüləri narkotik vasitə və silah-sursatın gömrük orqanına bəyan olunmadan ölkə ərazisinə gətirilməsinin qarşısını alıblar. Bu barədə Dövlət Gömrük Komitəsindən (DGK) məlumat verilib.

İstiPress-ə daxil olan məlumata görə, DGK-nın Qərb Ərazi Baş Gömrük İdarəsinin "Mazımçay" gömrük postunda Gürcüstandan gələn Rusiya vətəndaşının idarə etdiyi "Ford Mondeo" markalı minik avtomobilinə baxış keçirilib.

Yoxlama zamanı, öncə avtomobilin yük yerindəki sellofan bükülünün içində 1 ədəd kobura ilə birlikdə bıçaq və 1 ədəd "Kenwood" markalı, LB-75L model ratsiya aşkar olunub. Sonra yük yerində, ehtiyat təkərin yanında sellofana bükülmüş siqaret qutusunda 20 qram narkotik vasitə-marixuana aşkar edilib. Daha sonra avtomobilin salonunda, cihazlar panelinin sağ hissəsindəki sandıqçada isə üzərində "Maqnum; патрон 9 mm травматический" markalanma yazısı olan 23 ədəd patron və 1 ədəd tapança aşkar olunub.

Faktla bağlı araşdırma aparılır.