Bakıda kişi qaçırdığı xanımı ölümcül döydü

04 Avqust, 2019 10:31 | Hadisə | Baxış sayı: 143
Təcili yardım maşını
Təcili yardım maşını

Vəziyyəti ağır olduğundan reanimasiya şöbəsinə yerləşdirilib

Bakıda kişi on gün əvvəl evlənmək məqsədilə qaçırdığı xanımı ölümcül döyüb.

IstiPress-in məlumatına görə, hadisə paytaxtın Xətai rayonu, Qədir Məmmədov küçəsində qeydə alınıb.

Belə ki, hələlik adı məlum olmayan şəxs 1999-cu il təvəllüdlü İbrahimova Suzanna Adil qızının baş nahiyəsinə yumruqla çoxsaylı zərbələr endirib. Aldığı zərbələrdən İ. Suzanna huşunu itirib.

Zərərçəkən hadisə yerinə çağrılan təcili tibbi yardım əməkdaşlarının köməkliyi ilə xəstəxanaya gətirilib. Həkimlərin müayinəsindən sonra 20 yaşlı gənc xanıma qapalı kəllə-beyin travması diaqnozu qoyulub. Vəziyyəti ağır olduğundan o, reanimasiya şöbəsinə yerləşdirilib.