5 aylıq körpəni qara paketə büküb asdı: "Qız istəmirdim"

02 Avqust, 2017 14:32 | Hadisə | Baxış sayı: 374
Qara paketdə körpə
Qara paketdə körpə

11 il müddətinə azadlıqdan məhrum edildi

Amerikada dəhşətli hadisə baş verib. Öz qızını öldürmək istəyən qadın hadisəyə oğurluq görüntüsü verərək polisləri çaşdırmağa çalışıb.

İstiPress xəbər verir ki, 34 yaşlı Yin Sothera və 33 yaşlı Çem Sovanna gecəyarısı dostları ilə yaxınlıqdakı kluba kart oynamağa gediblər. Bir neçə dəqiqə sonra dostlarından ayrılan Yin gizlicə evinə qayıdaraq 5 aylıq qızının ağzını bağlayıb, qara zibil paketinə qoyaraq pəncərədən aşağı sallayıb. Bütün bunlardan sonra qadın heç nə olmamış kimi dostlarının yanına qayıdıb.

Uşağın ağlama səslərini eşidən qonşular dərhal polisə və təcili tibbi yardıma xəbər verib. Xoşbəxtlikdən 4 saat ağzı bağlı paketdə pəncərədən asılı qalan körpənin həyatını xilas etmək mümkün olub.

Qonşular hadisəni ananın törətdiyini iddia edib. Onların sözlərinə görə, bunu heç kəs etməzdi:

"Qız olduğu üçün o uşağı öldürmək istəyirdi. Dəfələrlə döydüyünün şahidi olmuşuq".
Polis faktla bağlı istintaq başladıb. 34 yaşlı Yin törətdiyi əməldən peşman olduğunu desə də, məhkəmə onu 11 il müddətinə azadlıqdan məhrum edib. (publika.az)